LAOAG CITY – Inbatad ni Mrs. Janette Duarte, ti Local Government Operations Officer ditoy ciudad ti Laoag nga adda ti uppat a barangay a nagaplikar ti safety seal iti opisina da.
Daytoy ket iti baet a saan a mandatory ti panagaplikar iti nasao a safety seal.
Inlawlawag ni Duarte a nupay saan a mandatory ti panagaplikar iti daytoy ket gutgutiguten da latta dagiti dadduma pay a barangay nga agaplikar met ti safety seal.
Innayon na a babaen iti daytoy ket maamoan da pay dagiti rumbeng a maaramid tapno saan a makompromiso dagiti opisyal ken residente a mapan agsecure ti dokumento na iti barangay.
Karaman kadagiti requirements ket ti safe pass, Thermal scanner, Emergency hotlines, isolation facilities, health declaration sheets ken dadduma pay.
