LAOAG CITY – Kinumpirmaran ti Department of Health (DOH) a nakairekord ti Pilipinas ti uppat a baro a kaso ti sakit a monkeypox.
Basar iti ahensia, dagiti baro a nakaptan ti sakit ket manipud iti Calabarzon nga agtawen iti nagbaetan ti 24 ken 66 ken nangrugi a makapasar kadagiti sintomas iti umuna a lawas ti Nobiembre.
Agpada a nagpositibo dagiti uppat a pasiente iti Clade II variant a saan unay a nakaro a klase ti virus.
Naammoan a dagiti dua kadagiti pasiente ket lallaki manipud idiay Rizal idinto dagiti dua pay ket lalaki ken babai nga aggapu idiay Laguna.
Manarimaan a maipadpadalan dagiti tallo a lallaki a nagpositibo iti sakit iti home isolation idinto ti agtawen iti 66 met a pasiente ket na-admit iti ospital ngem nakarekobre daytoy idi Nobiembre 19.
Inpasigurado met ti DOH-Center for Health Development Calabarzon Regional Epidemiology Surveillance Unit iti publiko a naiget ti panangmonitorda iti situasion maipanggep kadagiti nairekord a monkeypox cases iti rehion.
