LAOAG CITY – Naggigiddan a nainanugaran dagiti uppat a baro a rangtay ditoy probinsya.
Maysa ditoy ti Lapaz Bridge nu sadino nga inatendaran ni Congresswoman Ria Fariñas, dati a congressman Rudy Fariñas, ABC. Mikee Fariñas kenni Rj Fariñas ti inauguration.
Naamoan a dagiti rangtay ket napoandan babaen ti congressional fund a nasurok 200 a milyun pisos.
Nangrugi a maaramid ti rangtay idi 2018 ken kalpasan ti dua a tawen ket balligi a naileppas daytoy.
Kinagiddan ti Lapaz bridge a nainanugaran ti Cabangaran brigde iti ili ti Vinntar ken ti Cabulalaan Bridge iti ili Bacarra.
Kabayatanna, inbatad ni Brgy. Chairman Jerome Asuncion iti Brgy. 32-C Lapaz ditoy siudad ti Laoag nga arig na nabang-aran ti rikna na kalpasan ti pannakaileppas ti rangtay a sakupen ti barangayda.
Segun kenkuana, dakkel a tulong dayto kadakuada gapu ta addan ti napinpintas a dalan ti intero a metro Lapaz.
Inbatad na a dakkel ti panagyaman na ken ni dati a Congressman Rudy Fariñas gapu ta nu saan a gapu kenkuana ket awan ti baro a rangtay.
Mainaig iti daytoy, kuna na nga ita a nalpas ti rangtay ket masapol metten a maiyakar ti parking space dagiti kabarangayanna tapno awan dagiti madalapos a luglugan a naka parking iti kalsada.
