LAOAG CITY – Uppat a Canadian nationals ti nabitay idiay China gapu iti sangsangwen da a kaso mainaig iti illegal a droga.
Daytoy ti kinumpirmaran ni Canadian foreign minister Mélanie Joly.
Segun iti opisyal, dagiti nabitay a kadaraan da ket agpapada a dual citizens ngem saan da paylaeng nga inparuk-at ti dadduma a detalye a pakabigbigan dagitoy.
Inbatad pay ni Joly a sinubaybayan da a naimbag ti kaso dagiti uppat a Canadian nationals kadwa na dagiti dadduma nga opisyal a pakairamanan ni dati a prime minister Justin Trudeau ken inaramid da amin a kabaelan da tapno malapdan ti pannakabitay dagitoy ngem saanen a nagbaliw ti takder ti China.
Maipalagip a ti China ket ipatpatungpal na ti dusa a patay para kadagiti mairaman kadagiti nakaam-ames a krimen a pakairamanan ti illegal drugs, corruption ken espionage.
