LAOAG CITY – Umabot iti 15 nga indibidual ti kumpirmado a natay iti inpabanto nga strike ti Israel a pinuntirya na ti maysa nga ospital iti southern Gaza Strip.
Basar iti report, karaman kadagiti natay ket ti uppat a journalists, ken sumagmamano nga health officials.
Ti strike ket napasamak iti Nasser Hospital iti bigat idi Lunes.
Agpapan ita ket awan pay ti inparuk-at a komento ti Israeli military ken ti opisina ni Israeli Prime Minister Benjamin Netanyahu.
Maipalagip a saan a daytoy ti damo a pinutirya ti Israeli strike ti nasao nga ospital ken saan metten a daytoy ti umuna a gundaway nga adda dagiti nairamraman a napapatay a kameng ti media.
