LAOAG CITY – Natiliw dagiti uppat nga indibidual gapo iti iligal a panagkalap da iti baybay a sakop ti probinsya.
Nabigbig dagitoy nga isuda Esmeraldo Gomez y Valdez, agtawen ti 47, residente iti Brgy. Gaang iti ili ti Currimao; Fredilito Laforga y Plaga, agtawen ti 46, residente iti Barangay Dadalaguiten, Sinait ,Ilocos Sur; Jacky Ramos y Dannog, agtawen ti 29, residente iti Brgy. Victoria iti ili ti Currimao ken ni Aniceto Cainguitan y Gaba, agtawen ti 25 ken residente iti Brgy. Pagsanahan Sur, Badoc.
Basar iti report, natiliw dagitoy kabayatan ti seaborne patrol operation no sadinno ket nakumpiskar kadakuada dagiti bangka da, lames, maysa nga spear gun, dua a pidaso ti Long Line Hook, dua a flashlight
Iti agdama, dagiti uppat nga indibidual ken dagiti ramit a nakumpiskar ket adda iti kustudiyar iti INMARPSTA.
