LAOAG CITY – Maituloy ti panagquarantine dagiti uppat a pamilya iti Sitio 3 ti Brgy. 62-A Navotas ditoy siudad ti Laoag intono malpas ti implementasyon ti lockdown iti nasao a lugar.
Inlawlawag ni Barangay Chairman Jerry Corpuz a dagiti tallo wenno uppat a pamilya ket dagitoy dagiti nagkedked a dumalan iti swab test iti kallabes.
Manamnama nga agngudo ti lockdown iti nasao a sition intono Enero 23, 2021 idinto a pito nga aldaw nga agquarantine dagiti maseknan a pamilya.
Gagem ti kapitan a masigurado nga awan ti agwaras a COVID-19 iti nasao a barangay.
Maipalagip nga adda dagiti sumagmamano a residente ti nagpositibo iti COVID-19 iti kallabes.
