LAOAG CITY – Uppat a search warrant operation ti inyuswat dagiti kameng ti National Bureau of Investigation ditoy cuidad ti Laoag iti nagduduma a barangay idiay ili ti Bacarra.
Karaman kadagiti subject ti operasyon ket da Barangay Chairman Derek Velasco iti Barangay 40, Buyon; Joseph Soriano, maysa a partidor ken dati a kapitan Jonathan Acio agpada a taga Barangay Libtong, kenni Barangay Chairman Benjamin Galiza iti Barangay 10 iti nasao nga ili.
Iti operasyon iti pagtaengan da Soriano, Acio ken Galiza ket negatibo ti resulta na.
Naipalaon iti search warrant a naggapo iti RTC idiay Baguio City nga inparuk-at ni Executive Judge Mia Joy Oallares-Cawed kenni Velasco ket maysa a baby armalite, maysa a M-16 long armalite, tallo a carbine rifle, uppat a kalibre 45 a paltog Thomson caliber 45 rifle.
Nupay kasta, walo laeng a bala ti M16 rifle ti naala iti balay ni Velasco.
