LAOAG CITY – Agpapada a naitaray iti ospital dagiti uppat a tattao kalpasan ti panagdinnungpar ti maysa a tricycle ken Toyota Hi-lux iti intersection ti Balintawak St. ken Mabini St. iti Barangay 9 ditoy ciudad ti Laoag.
Nabigbig dagiti biktima a da Renante Cahigan, 40, driver ti tricycle ken residente iti Barangay 13, Magat Salamat ditoy ciudad ken dagiti pasaheros na a da Meynard Ariola, 24, residente iti Barangay 1 ditoy ciudad ken ni Stephen Jay Alegre, 21 ken residente iti Barangay 55-A Barit ditoy met laeng ciudad ti Laoag.
Segun iti imbestigasyon, bayat nga agpaabagatan a direksyon da Cahigan iti paset ti Balintawak St. ken aksidente a nakadinnungpar da ti Hi-lux nga agpadaya nga inturong ni Clarence Sao, 21 ken residente iti Barangay 31, Vintar, Ilocos Norte.
Segun kenni Patrolman Joel Agoy iti PNP-Laoag, ti imbestigador, agpada a nagderetso iti intersection dagiti dua a behikulo.
Gapo iti daytoy, nagsagaba ti sugat dagiti biktima ti sugat iti nagduduma a paset ti bagi da.
