LAOAG CITY – Umaboten iti uppat a tattao a natay gapu iti napigsa nga alipugpog a napasamak idiay St. Lucie sa Florida.
Ti nasao a tornado ket kagidda ti iduduprakl ti Hurricane Milton.
Nu pay agturongen iti Atlantic Ocean ti bagyo ket nagballag dagiti opisyal a makapasar da pay laeng ti napigsa nga angin ken tudo.
Nagyaman met dagiti opisyal iti Tampa, Florida gapu ta awan ti nakaru nga storm surge.
Inbatad ni Florida Governor Ron DeSantis nga adda agarup 80,000 a tattao a nagtalinaed kadagiti pagtaengan da.
Umabot metten iti nasurok tallo a milyon dagiti naawanan ti suplay ti kuryente idiay Florida idinto a sumagmamano a paset ti Tampa International Airport ket nadadael.
kabayatanna, nagballaag dagiti otoridad kadagiti residente ti Florida iti ikakaro pay bagyo.
