LAOAG CITY – Uppat a tattao ti pimmusay iti inyuswat a missile attack ti Russia iti maysa nga hotel iti home town ni President Volodymyr Zelensky iti Ukraine.
Segun ken ni Zelensky, karaman kadagiti agnanaed iti hotel ket dagiti volunteers manipod iti humanitarian organization, pakairamanan ditoy ti US ken UK citizens, ngem pimmanaw dagitoy sakbay iti napasamak a panagatake.
Napasamak ti strike kabayatan ti panagsagsagana ni Zelensky para iti Summit a maiyuswat iti Brussels kadwa na dagiti European leaders. Immunan a pinuntirya ti strike ti Russia dagiti dadduma pay a lugar iti Ukraine a nakatayan ti maysa a sibilyan ken tallo a sabsabali dagiti nasugatan.
