LAOAG CITY – Naimaldit dagiti uppat a baro a kaso ti COVID-19 iti ili ti Bacarra ken iti siudad ti Batac.
Segun ti gobyerno probinsyal, nagpositibo da IN-C514, agtawen ti 82, lalaki, returning Overseas Filipino manipud iti Hawaii; IN-C515, agtawen ti 47, babai, agpada a residente iti Brgy. Paiocan iti ili ti Bacarra.
IN-C516, agtawen ti 30, lalaki, LSI; kenni IN-C517, agtawen ti 31, babai, agpada nga LSI manipud iti Makati City, Metro Manila, ken agpada a residente iti Brgy. Quiling Sur, iti siudad ti Batac.
Nakarikna ni IN-C514 kadagiti sintomas iti nasao a virus ken naadmit daytoy.
Segun kenni Barangay Chairman Avelino Passion iti Brgy. Pasiocan, Bacarra, simmangpet idi Disyembre kadua na ti asawa na ken inpalubos ti RHU a naghome quarantine dagitoy gapu ta isuda laeng ti nagiyan iti pagtaengan dagitoy.
Kuna na nga ita nga aldaw ti pannakaawat da ti pammilin ti RHU no anya ti rumbeng nga aramiden dagitoy.
Inbatad ni Pasion a ni IN-C515 ket isu ti mangtartaraken iti lakay.
Innayon na a maiyuswat ti contact tracing iti nasao a lugar babaen kadagiti kameng ti RHU.
