LAOAG CITY – Uppat dagiti natiliw idinto a maysa ti nakalibas iti naiyuswat nga anti illegal gambling operation iti maysa a compound iti Brgy. Lubnac iti ili ti Vintar.
Daytoy ti kinumpirmaran ni PMaj. Romnick Subia, ti hepe ti PNP-CIDG ditoy probinsya.
Nabigbig dagiti natiliw nga agtawen ti 53, maysa nga agtawen 30, baro ken agtawen ti 34, agpapada dagitoy a residente ditoy siudad idinto a ti nakalibas ket agtawen ti 30 ken residente iti nasao nga ili.
Naamoan a masansan a makitkita dagiti residente nga adda ti iligal nga aktibidad iti nasao a compound rason a naiyuswat ti operasyon.
Kabayatanna, iti pannakaiyuswat ti operasyon ket naaktoan nga agtutupada dagiti maseknen.
Nakumpiskar manipod iti pagtutupadaan ti uppat a kawitan a para pallot, uppat a pedaso ti tari, belt bag, tallo a kahon ti manok ken uppat a fighting cock limber pakairamanan ti 1,250 a pusta.
Nagtalinaed dagiti suspek iti ksutodyar ti PNP-CIDG iti INPPO.
