LAOAG CITY – Balligi ti naisayangkat nga Anti-Illegal Gambling Operation wenno Cock fighting iti Barangay 13, San Pedro iti ili ti Sarrat babaen itiPNP-CIDG ken Provincial Intelligence Unit.
Gapo iti daytoy ket uppat nga indibidual dagiti natiliw idinto nga adda ti pito a nakalibas.
Nabigbig dagiti natiliw nga isuda August Agmata, 32, residente iti Barangay 14; Jessie Gaoanos, 39, Christian Gaoanos, 27, agpada a residente iti Barangay 8 ken ni Andres Panoy, 67, residente iti Barangay 31, Camadingan iti ciudad ti Batac idinto a nagtataray dagiti pito pay a suspek.
Basar iti INPPO, nakaawat da ti intelligence report nga adda ti panagtutupada iti nasao a barangay isut gapo na nga inyuswat da ti operasyon ket naaktoan da dagiti suspek.
Nakumpiskar dagiti otoridad ti uppat a para-pallot a manok ken dagitoy ket adda ti sugat na ken dua dagiti natay ken nagduduma a paraphernalia.
Iti agdama, dagiti natiliw a suspek ket adda ii kustudiyar ti PNP-CIDG ken manamnama a mapilaan ti kaso.
