(Update) LAOAG CITY – Nakasentro pay laeng iti imbestigasyon ti PNP-Pinili iti uppat nga anggulo iti imbestigasyon nga ipatpatungpal da mainaig iti pannakapapatay ni Arsenio Cajigal linemen ti INEC ken residente ti Bgy. Alogoog iti ili a Badoc.
Daytoy ti inbatad ni SPO3 Ma. Christina de San Juan , Deput Chief of Police ti Pinili.
Segun kenkuana, dagitoy ket panggep ti trabaho, old grudge, personal ken ti kina drug surenderee na.
Saan met a makunpirmaran ni de San Juan no adda ti pannakinaig ti third party wenno love triangle ti pannapalatog na a nagkunaan na a salodsuden danto pay laeng iti asawa ti biktima a naggapu iti ballasiw taaw.
Pinasingkedan pay ni de San Juan a ti target dagiti grupo a paltugan ket ni Cajigal ket nairamraman laeng ti kadua na a ni Alexter Baldugo a line men met laeng ti INEC idi madisgrasyan ti lugan da a poon iti nakatukkulan ti ima ken saka na.
Kinuna pay ni De San Juan nga adda witness dan iti nasao a pammaltog ngem saanda pay a nakasarita a nasayaat.
Namnamaen ti opisyal a makatulong ti panagbigbig ni Baldugo dagiti nangapaltog kadakuada a naka helmet.
Ibilang na met a daytoy pay aleng ti kadakkelan a pasamak ti ili a Pinili nga im-imbestigar da.
Inbaga na pay a makikoordinar da iti PNP-Badoc iti agtultuloy nga imbestigasyon da.
