LAOAG CITY – Balligi a naarestar dagiti uppat nga indibidual iti naiyuswat nga anti-illegal gambling operation iti Brgy. San Isidro iti ili ti Pasuquin.
Segun ken ni PCapt. Christian Felix, ti chief of police iti PNP Pasuquin, namunganay ti panagresponde da iti nasao a barangay kalpasan nga adda ti naipadanun nga impormasyon seknan dagiti agsusugal.
Kuna na nga iti panagresponde da ket naaktuan nga nga agay-ayam dagiti suspek ti posoy dos iti maysa a kubo-kubo.
Inbatad na a tallo kadagiti naarestar ket babbai idinto a maysa ti lalaki ken agpapada dagitoy nga agtrabtrabaho iti maysa a videoke bar.
Nakumpiskar ti 350 a pisos a pusta ken ti baraha nga inusar da.
Iti agdama ket maisagsaganan ti maipila a kaso a panaglabsing ti PD1602 wenno illegal gambling law kontra kadagiti suspek.
