LAOAG CITY – Natiliw dagiti uppat a residente iti Brgy. 19 San Lorenzo iti ili ti San Nicolas gapo iti iligal a panagsusugal.
Inbatad ni Pol. Major. Eduardo Santos iti PNP San Nicolas, natiliw dagiti suspek babaen iti naiyuswat nga entrapment operation.
Kuna na a naaktwan nga agay-ayam ti tong-its dagitoy iti maysa a kubo -kubo iti bakante a lote iti nasao a barangay.
Inpakaammo na a nakumpiskar ti 5,660 a pisos a pusta, Lamisaan, monoblock chairs, ken playing card.
Immuna iti daytoy, inbatad ni Santos a dagiti natiliw ket agtawen ti uppat a pulo agpangato, mannalon ken agpapapada a residente iti nasao a lugar.
Nagtalinaed iti kustudiyar ti kapulisan dagiti suspek ken manamnama a mapilaan dagitoy ti kasoa panaglabsing iti Presidential Decree No. 1602 wenno Illegal Gambling Law.
