LAOAG CITY – Uppat manipod iti agarup 20 nga indibidual ti nakemmeg dagiti otoridad kalpasan a naaktuan nga agtutupada dagitoy babaen kadagiti kameng ti PNP-CIDG iti Brgy. 57-Pila ditoy siudad ti Laoag.
Segun ken ni PMaj. Romnick Subia, ti hepe iti PNP-CIDG, malaksid kadagiti uppat a nagtalinaed iti kustodyar da ket tallo pay dagiti mairaman a mapilaan ti kaso.
Kuna na a narekobre iti nagtutupadaan dagiti maseknan ti dua natay a manok ken dua met a sibibiag a manok a para pallot pakairamanan ti 1,250 a pisos a pusta.
Naamaoan a dagiti natiliwan ket residente iti Brgy. Barit, Brgy. Navotas ken iti Brgy. Pila ditoy siudad.
Manamnama a sumango iti kaso a panagsalungasing iti PD 449wenno ti Illegal Cockpit Law.
Naamoan a nabayagen a masipsiputan ti iligal nga aktibidad dagiti masekan sakbay a naiyuswat ti operasyon.
Daytoy metten ti maikadua a bansada dagiti natiliwan nga iligal nga agtutupada ditoy probinsya ita a tawen 2022.
