LAOAG CITY – Natay ti uppat a tattao iti panangraut ti eroplano ti Russia iti Kyiv.
Segun iti Mayor ti siudad a ni Vitali Klitschko, agop-operar dagiti air defense iti aglawlaw ti kabesera ti Ukraine.
Gapu iti panangra-ot ti Russia naruay dagiti nadadael ken naburak dagiti tawa idiay Shevchenkivskyi District, agraman ti maysa nga metro station, idinto a nauram ti maysa nga anadonado a pasdek.
Agpapan ita ket saan pay a nalawag no ania ti puntiria ti Russia.
Mainig iti daytoy, nagballaag dagiti autoridad maipapan iti pangta ti ballistic missile ken indagadagda kadagiti residente nga agturongda kadagiti natalged a lugar iti pagtaengan da.
Kabayatanna daytoy ti maikadua a makapapatay a panangraut idiay Kyiv ita a bulan.
