LAOAG CITY – Balligi a natiliw dagiti uppat nga indibidual gapo iti panagsusugal da iti Brgy. Poblacion 1 ili ti Pagudpud.
Segun iti Philippine National Police iti ili ti Pagudpud, dagiti natiliw ket dua a seinor citizen nga agtawen ti 61, agtawen ti 22 ken agtawen ti 54.
Inbatad ti pulisya a nakaawat da ti report manipud iti concern citizen nga adda ti maiyus-uswat nga iligal a panagsusugal iti nadakamat a barangay.
Gapo iti daytoy, dagus a nagresponde dagiti kameng ti pulisya ken naaktoan dagiti sumagmamano nga indibidual nga agay-ayam ti forty-one.
Nakumpiskar iti operasyon ti 755 a pisos a pusta, maysa a Gray Towel a nagserbi kas Table cloth ken ti baraha nga inusar da.
Iti agdama, dagiti natiliw ket adda iti kustudiyar ti Philippine National Police iti nasao nga ili ken manamnama a mapilaan ti kaso.
