LAOAG CITY – Balligi a natiliw dagiti uppat nga indibidual gapo iti iligal a panagsusugal da iti Brgy. 14 San Gregorio, San Nicolas, Ilocos Norte.
Nabigbig dagitoy nga isuda Darrel Tumamao, agtawen ti 37; Jomar Tumamao, agtawen ti 31; Jayson Damo Tumamao, agpapada nga awanan ti asawa ken agpapada dagitoy a construction worker ken ni Vivealyn Zaragoza, agtawen ti 30, naasawaan ken amin dagtoy ket residente iti nasao a barangay.
Segun kenni Police Major Eduardo Santos, chief of police ti Philippine National Police iti ili ti San Nicolas, adda ti dimmanon kadakuada nga impormasyon seknan iti panagsusugal dagitoy.
Kunana a dagus da met a nagturong iti ligar ken naaktoan da nga agay-ayam dagitoy ti Pusoy dos.
Nakumpiskar dagiti otoridad iti maysa a set ti baraha, maysa a lamisaan, maysa a table cloth, tallo a tugaw, ken pusta a 587 a pisos.
Iti agdama, dagiti nagsusugal ket nagtalinaed iti kustudiyar ti pulisya.
