LAOAG CITY – Balligi a natiliw dagiti uppat nga indibidual gapo iti iligal a panagsusugal da iti mismo a basketball court iti Barangay 34, Gabu ditoy ciudad ti Laoag.
Segun kenni Police Lt. Col. Joseph Baltazar, ti chief of police iti Philippine National Police ditoy ciudad ti Laoag, karaman kadagiti natiliw ket tricycle drivers ken adda pay ti mangalap.
Inbatad na a malaksid kadagiti natiliw ket adda pay dagiti nakataray ken isu ti bigbigen da ken mairaman a mapilaan ti kaso.
Inlawlawag na a sipud iti bigat kalman ket inmonitor dan iti nasao a lugar gapo ta adda ti nagminatay iti asideg ti pagbasketbolan.
Kunana nga idi malem ket balligi ti inyuswat da nga operasyon no sadinno nagay-ayam dagiti suspek ti lucky 9.
Nakumpiskar met dagiti otoridad ti baraha ken ti pusta a 1,408 a pisos.
Kabayatanna, maisagsagana metten dagiti kasapulan a dokumento para iti pannakaipila ti kaso kontra kadagiti natiliw.
