LAOAG CITY – Naarestar dagiti uppat nga indibidual iti naiyuswat nga anti-illegal gambling operation iti maysa a minatayan iti Brgy. 13, Baay iti siudad ti Batac.
Segun ken ni PLt. Col. Mar Louise Bundoc, ti hepe iti PNP-Batac, uppat a lallaki dagit naarestar a nagsusugal.
Kuna ni Bundoc a bayat ti pannakaiyuswat ti operasyon ket naaktoan nga agay-ayam dagiti suspek ti Lucky 9.
Nakumpiskar manipod kadagitoy ti 40 a pedaso ti baraha, lamisaan, wallet ken uppat a monoblock a tugaw pakairamanan ti P2,208 a pusta.
Nagtalinaed iti kustodyar ti PNP dagiti suspek para iti umno a disposisyon.
