LAOAG CITY – Natiliw dagiti uppat nga indibidual idinto a nakalibas ti maysa a kadwa da iti naisayangkat nga anti-illegal gambling operation iti paset ti Brgy. Salet-Bulangon ditoy ciudad ti Laoag.
Naamoan a dagiti natiliw a suspek ket pakairamanan ti tallo a lallaki ken maysa a babai, agpapada nga addaan iti umno a tawen.
Segun ti report, naaktwan a mismo dagiti otoridad ti panagay-ayam dagiti suspek ti “tong-its”.
Nakumpiskar dagiti otoridad iti lugar ti maysa a set a baraha ken kwarta a maipagarop a taya dagiti suspek.
Iti agdama, nagtalinaed dagiti suspek iti kustodyar ti PNP-Laoag dagiti suspek kabayatan a maisagsagana ti reklamo a maipila kontra kadakuada.
