LAOAG CITY – Natiliw ti tallo a babbai ken maysa a lalaki gapu ti iligal a panagay-ayam da ti mahjong iti Ablan Avenue, Brgy. 5 ditoy siudad ti Laoag.
Daytoy ti kinumpirmaran ni Police Captain Christian Felix, deputy chief of police ti PNP Laoag.
Kuna na a dagiti dua a natiliw ket agtrabtrabaho iti maysa a BPO company ken construction worker ti lalaki idinto nga awanan ti trabaho dagiti dua ay a babbai.
Inbatad ni Felix nga agtawen ti 33 ti maysa kadagiti babbai, agtawen ti 36 ken agtawen iti 57 idinto ti lalaki ket agtawen ti 47 ken agkakarruba laeng dagitoy.
Segun kenni Felix, awan ti palawag dagiti maseknan ngem mamati a liwliwa laeng dagiti maseknan rason a nagsusugal da.
Inbinsa-binsa na dagiti nakumpiskar a 132 a pidaso ti Mahjong tiles, dua a dice, lamisaan a nagay-ayam da ti mahjong, tugtugaw ken 1,200 a pisos a pusta da.
Innayon ni Felix a malaksid iti reklamo a sanguen da a panaglabasing iti PD1602 wenno Illegal Gambling law, ket naipaayan da pay ti citation ticket gapu ti social distancing.
