LAOAG CITY – Uppat nga indibidual ti natay iti Kyiv, pakairamanan ti maysa a maladaga iti nagpatnag a drone strikes ti Russia.
Malaksid kadagiti natay ket adda pay ti nasurok a 20 a sabsabali dagiti nasugatan iti insidente.
Naamoan a pinuntirya pay ti strike ti kangrunaan a government building ti Kyiv, ken adda ti sumagmamano a residential buildings a partially damaged.
Ti nasao a panagataken ket napasamak kalpasan a nagballaag ni Russian President Vladimir Putin iti West countries kontra iti panagipatulod da ti peacekeeping troops iti Ukraine kalpasan a napagtutulagan ti ceasefire.
Mainaig iti daytoy, kinondenar ni Ukrainian President Volodymyr Zelensky ti napasamak ken inawagan na ti inaramid ti Russia nga awanan asi kagiddan ti panagpanagawan na ti pannakaipataw ti sanctions kontra iti Moscow.
