LAOAG CITY – Uppat nga individual ti natay iti Luzon ken Visayas gapu iti firecracker-related accidents bayat ti panangsarabo ti baro a tawen iti pagilian.
Basar iti report, karaman kadagiti biktima ket ti agtawen ti 44 a lalaki manipod iti Dagupan City, Pangasinan a natay kalpasan a bimtak ti 5-Star firecracker iti asideg ti ulo na.
Naamoan a ti kaubingan a biktima ti paputok ket agtawen ti walo nga ubing a lalaki manipod iti San Fabian, Pangasinan.
Mainaig iti daytoy, dagiti dua a pimmusay gapu iti paputok ket nairekord iti Cebu ken Nueva Ecija.
Immunan nga inrakurak ti Department of Health nga umaboten iti 340 ti nairekord da a firecracker-related injuries mnaipod Disyembre 22, 2024 agingga iti Enero 1, 2025, bimmaba iti 34 a porsiento no ikompara iti 519 a kaso a nairekord iti kapada na a panawen iti napalabas a tawen.
