LAOAG CITY – Nasdaaw ti pamilya Bonilla iti ili ti San Nicolas gapu ta uppat manipod iti innem nga uken nga inpasngay ti taraken da nga aso ket sagdudua laeng ti saka da.
Inlawlawag ni Emy Bonilla a kompleto ti saka ti taraken da nga aso nga ina dagiti uken.
Inbatad na nga ibilang dagiti dadduma a swerte dagiti nasao nga uken isut gapuna nga ado dagiti mangayat a gumatang.
Nupay kasta, inbatad ni Bonilla a saan da a kayat nga ilako dagiti taraken da nga uken uray saan a kompleto ti saka dagiti nasao a dingwen.
Saan met nga ammo ni Bonilla no apay ken kasanu a napasamak a sagdudua laeng ti saka dagiti uppat nga uken nga anak ti taraken da nga aso.
