LAOAG CITY – Inrakurak ti Hamas-run health ministry iti Gaza a nasuruken a 9 a ribo a tattao ti natay sipud idi Oktubre 7 ita a tawen.
Mainaig iti daytoy, inpakaammo ti United Nations a nadadael ti uppat nga schools-turned-shelters da iti Gaza Strip iti napalabas a 24 nga oras a nakatayan ti 20 a tattao.
Maipalagip a saan a nagpangadua ti Israel a nangbomba iti lugar kalpasan a pinatay ti Hamas ti nasurok a 1,400 nga Israelis ken kinautibo da ti nasurok a 200 a sabsabali pay.
Inrakurak ti Israeli forces a puntiryada dagiti imprastraktura ti Hamas, a pakairamanan dagiti tunnels rocket launchers tapno maliklikan ti pannakatay ti ado a sibilyan.
Kabayatanna, ad-ado pay a sibilyan ti nakapanawen it Gaza Strip babaen ti pannagna da iti Rafah crossing.
Iti kaudian a report, addan ti nasurok nga 400 a gangannaet ti nakapanawen iti Gaza ken nagturong dagitoy iti Ehipto.