LAOAG CITY – Balligi ti inyuswat dagiti kameng ti Philippine National Police (PNP) idiay Bacarra nga anti-illegal gambling operation.
Gapo iti daytoy, natiliw dagiti uppat a tattao gapo ti panagsusugal da ti pusoy dos iti paset ti Brgy. 32, Caracar idiay ili ti Bacarra.
Nabigbig dagitoy a da Janet Namer y Pascua, agtawen ti 48, balo; Sheryl Pascua y Andra, agtawen ti 41; Christorey y Pascua, agtawen ti 34 ken Roderick Pascua y Esteban, agtawen ti 37, agpapada a residente ti nasao a barangay.
Nakakumpiska ang mga otoridad ng isang playing card, lamisaan, uppat a tugaw, 130 pesos, lima a pidaso a sag-5 a pisos, 21 a pidaso a sagpipiso.
Nagtalinaed met dagiti suspek iti kustudiyar iti PNP-Bacarra ken manamnama nga ita nga aldaw ket maisango da iti korte kalpasan ti pannakaipila ti kaso nga anti-illegal gambling kontra kadagiti maseknan.
