LAOAG CITY – Natiliw dagiti uppat a tattao, karaman iti agtagikua ti balay a ni Ludivico Albano iti Barangay 10, San Vicente, Bacarra, Ilocos Norte kalpasan a naaktwan ida dagiti otoridad nga agsusugal.
Malaksid ken ni Albano, karaman pay a natiliw da Maria Luisa Tutanes, agtawen iti 53, naasawaan; Robert Gascon, agtawen iti 61 ken ni Carmelita Teppang, agtawen iti 63, agpapada dagitoy a residente ti nasao a barangay.
Nakumpiskar dagiti otoridad iti lugar ti maysa a set ti baraha, 3 a monoblock chair, maysa a mono block a lamisaan, ken ti 805 a pisos a maipagarop a taya dagiti suspek.
Agpapada a naipan iti kustodyar ti PNP-Bacarra dagiti suspek ken dagiti nakumpiskar a gambling paraphernalia para iti umiso a disposisyon.
