LAOAG CITY – Nakairekord ti uppat a baro a kaso ditoy probinsya ken 22 dagiti nalaingan manipud iti covid-19 basar iti gobierno probinsyal.
Dagiti nagpositibo iti sakit ket ni IN-C1055, agtawen ti 34 a lalaki, APOR wenno empleado ti gobierno, asymptomatic, residente iti Barangay 23 ditoy ciudad ti Laoag ken nakapulapol ni IN-C1051.
Ni met IN-C1056 ket maysa a lalaki nga agtawen ti 66, maysa a mannalon, asymptomatic, residente iti Barangay Ablan iti ili ti Burgos ken nakapulapol ni IN-C1007.
Residente met iti Barangay Parado iti ili ti Dingras ni IN-C1057, lalaki nga agtawen ti 38, APOR (Cargo) asymptomatic, naggapo idiay Bulacan ken saan pay a masinunuo no nakalaan na ti virus; ken ni IN-C1058 ket babai nga agtawen ti 55, maysa a negosyante, asymptomatic, residente iti Barangay 23 ditoy ciudad ti Laoag ken nakapulapol ni IN-C1025.
Gapo iti daytoy, addaanen ti Ilocos Norte ti 1058 a pakabuklan a kaso no sadinno ket 155 dagiti aktibo a kaso, 895 dagiti nalaingan ken walo dagiti pimmusay.
