LAOAG CITY – Naliklikan ti panagramram ti uram iti pagtaengan ti agnagan ti Anamel Valentin iti Bgy. 34 A Gabu Norte ditoy ciudad ti Laoag gapu iti insigida nga itutulong dagiti kaaruba da a nangiddep iti daytoy.
Segun ken ni Bgy. Kagawad Oscar Racuya ti nasao a barangay, babaen iti panagresponde dagiti kabarangayan da ket naliklikan ti panagramram ti uram.
Kuna na a mabalin a ti nag-overheat nga electric fan ti makagapu ti uran a nakauraman dagiti nagyan ti kuwarto a paggiyanan dagiti agasawa nga Andres a nagannak ni Valentin.
Segun met ken ni SFO 1 Loel Tungpalan Chief Inv. ti BFP Laoag a nagresponde iti uram uray nakabakasyon a taga Gabu, posible a ti nag-overheat nga electric ti makagapu ti uram.
Kuna na a masapul a dagiti saksakan dagiti appliances ket maikkat no saan daytoy nga usaren tapno maliklikan ti panag-overheat a posible a mangparnuay ti uram.
Awan met unay dagiti nadadael iti nasao nga uram.
