LAOAG CITY – Kinumpirmaran ti United States Navy a naidungpar iti nuclear-powered aircraft carrier USS Harry S. Truman iti maysa a merchant ship iti Mediterranean Sea.
Basar iti United States Navy nga awan ti aniaman a nadadael a nairekord iti pannakaidungpar ti aircraft carrier-da iti Panamanian-flagged vessel Besiktas-M.
Naperdi ti sumagmamano a paset ti merchant ship ngem awan ti nasugatan kadagiti nakalugan iti daytoy.
Naammoan a ti Besiktas-M ket adda ti kaatiddogna a 617 a kadapan a rummuar koma iti Suez Canal ken agturong iti Romania idi naidungpar daytoy iti United States carrier nga adda ti kaatiddogna a 1,100 a kadapan.
Agtultuloy ti maiwaywayat nga imbestigasion dagiti otoridad seknan iti napasamak nga aksidente.
