LAOAG CITY – Inparit United States aviation authority ti panagusar kadagiti drone iti 22 nga infrastructure sites idiay New Jersey ken ti 29 iti New York iti uneg ti 30 nga aldaw kalpasan a nasaripatpatan dagiti drone iti daya a paset ti Estados Unidos.
Ti nagbalin nga addang ti US aviation ket mangipalubos iti gobierno da nga agusar ti “deadly force” kontra kadagiti unmanned aircraft a mabalin a mangpataud ti “imminent security threat”.
Kagiddan iti daytoy, ibatad ti maysa a Federal Aviation Administration (FAA) nga adda posibilidad a dagiti piloto nga agop-operar kadagiti restricted zones ket agpeggad a ma-intercept ken maibalud kas naibasar iti linteg.
Iti agdama, misteryoso pay laeng no kasano ken naggapuan dagiti drone a nasaripatpatan iti New Jersey ken kadagiti dadduma pay nga estado.
