LAOAG CITY – Inpetteng ni Atty. Arnedo Valera iti Washington D.C nga obligasyon dagiti nasyon a karaman iti Extradition treaty a tiliwen wenno isuko ti maysa nga akusado iti agkidkidaw a pagilyan.
Palawag na daytoy iti sangsangwen ni Pastor Apollo Quibuloy no sadinno ket wanted isuna Fedearal Bureau of Investigation (FBI).
Segun kenni Atty. Valera, idi 1995 ket adda ti bilateral agreement wenno ti extradition treaty ti Pilipinas ken Estads Unidos.
Inlawlawag na a no adda ti extradition request, ma-review daytoy sakbay a maisubmitir iti Office of the International Affairs ken no sakup daytoy iti treaty ken maipan iti US Dept. of State.
Kalpasan daytoy, maisubmitir ti extradition request iti US Embassy ti Manila ken babaen iti diplomatic note ket maipan iti Dept. of Foreign Affairs ken adalen daytoy ti ahensya kadua na ti Dept. of Justice pakairaman dagiti mechanics iti katulagan iti nagbaetan dagiti dua a pagilyan.
Inbatad na a bayat a maisagsagana ti formal extradition request, mabalin nga agkiddaw ti US Dept. of Justice ket mabalin nga agkiddaw ti provisional arrest iti subject.
Inpalgak na nga atiddog daytoy a proseso ket saan met a nalaka wenno dagus a ma-extradite ti maysa nga akusado, ken ado pay met ti mabalin nga aramiden ti kampo ti akusado.
Nupay kasta, kuna ni Valera a no ma-extradite ti maysa nga akusado ket mabalin nga umabot nasurok innem a bulan agingga iti maysa a tawen.
Mainaig iti daytoy, kuna ni Atty. Valera nga ado dagiti adda iti listaan a sakup iti treaty kas iti murder ken trafficking ken dadduma pay.
Patien met ni Atty. Valera a ti alegasyon kontra kenni Quibuloy ket sakop iti treaty ngem ado met pay dagiti depensa a mabalin nga aramiden.
Kunana pay a ti nasao a kaso ket mabalin nga umabot pay agingga iti Korte Suprema.
Dinakamat na nga iti laksid nga adda ti pagdumaan ti justice system ti Pilipinas ken Estados Unidos, maipatungpal latta ti extradition treaty ken obligasyon met a makikooperar ti maseknan a pagilyan.
Kabayatanna, kuna na a no ibaga met ti Pilipinas a saan a mabalin a ma-extradite ni Quibuloy ket sigurado nga agbirok ti saballi nga addang ti Office of the International Affairs wenno US Dept. of Justice tapno maipakustudiyar kadkauada ti akusado.
