LAOAG CITY – Pinatumba ni undefeated United States boxer Jesse Rodriguez ni Juan Francisco Estrada ti Mexico tapno magun-od ti World Boxing Council super flyweight title.
Immuna a pinatumba ti agtawen iti 24 nga US southpaw boxer ni Rodriguez iti maikanem a round iti laban a naisayangkat iti Phoenix, Arizona.
Apaman a simrek iti maikapito a round ket saan a pinasubbot ni Rodriguez ti Mexican boxer ken naminsanna manen a napatumba ken napilitan ti referee a ni Chris Flores nga isardeng ti laban.
Gapu iti daytoy, adda ti nadalus a 20 a panangabak ken awan pay ti abakna no sadino addaan pay ti 13 knockouts ti American boxer idinto ti agtawen iti 34 a ni Estrada ket addaan ti 44 a panangabak ken uppat a pannakaabak.
Ni Rodriguez a dati a flyweight ken super flyweight champion ket timmalaw iti 112 pounds ken immuli iti 115 pounds division ken kinaritna ni Estrada.
