LAOAG CITY – Obserbaren ni United States Defense Secretary Lloyd Austin III ti panangipakita ti Philippine Navy ti T-12 unmanned surface vessels-da.
Ti nasao a lugan ket kangrunaan nga usaren iti panangprotektar ti soberania ken panag-operate iti Philippine Exclusive Economic Zone iti West Philippine Sea.
Daytoy ti maikapat a panagbisita ditoy pagilian ni Austin ken ti maika-12 a biahena iti Indo-Pacific sipod idi nagtugaw isuna iti puesto.
Makataripnong daytoy ita nga aldaw ni Presidente Ferdinand Marcos Jr. kaduana da Defense Secretary Gilbert Teodoro ken sumagmamano nga opisial ti gobierno.
Sabaten ni Teodoro ni Austin iti maysa a bilateral meeting iti Camp Aguinaldo.
Inton aldaw ti Martes ket bisitaenda ti Western Command ti Armed Forces of the Philippines a nakabase idiay Palawan.
Immunan nga inrakurak ni Austin a kalikagum ti Estados Unidos a kanayonan a $500 milyon a foreign military financing ditoy Pilipinas tapno mapaiget ti seguridad.
