LAOAG CITY – Inkalintegan ti United States Defense Department ti panagbalin a nasingedda ti Israel.
Inbatad ni United States Defense Secretary Pete Hegseth, nagbalin a nasinged ti koneksion ti Estados Unidos ken Israel nga addaan ti maymaysa a gagem tapno lappedan ti Iran iti panagaramidda ti nuclear weapons.
Inpettengna nga adda ti kabukbukudan a gagem ti Amerika ken Israel isut gapuna nga inwayatda ti airstrikes.
Reaksion daytoy ti United States Defense Department kalpasan ti panangkuestionar ti sumagmamano nga Amerikano a gungundawayan ti Israel ti Amerika para iti bukud daytoy nga agenda a rauten ti Iran.
Innayonna nga iggem ti Estados Unidos ti desision no kaano nga aglippas ti gubat idiay Iran.
