LAOAG CITY – Inpasigurado ti Embahada ti Estados Unidos iti pagilian a nakasagana a mangipaay ti tulong iti resupply mission ti pagilian kadagiti tropa ti gibierno nga adda iti BRP Sierra Madre.
Ummuna iti daytoy, nagdamag ni Philippine Navy spokesman for the West Philippine Sea Rear Adm. Roy Vincent Trinidad, no plano ti gobierno nga usaren ti drone system ti Estados Unidos a Tactical Resupply Unmanned Aircraft System (TRUAS).
Immuna nga inbaga ti Phil Navy nga inkonsiderar ti amin a pagpilian tapnu maiyuswat ti resupply mission iti West Philippine Sea, pakairamanan ti nakaro a panaglapped dagiti Chinese vessel iti resupply mission ti pagilian.
Maipalagip nga immunan nga inrakurak ti US Marine Corps nga usarenda ti Tactical Resupply Unmanned Aircraft System kabayatan ti Balikatan Exercises idi Abril.
Mainaig iti daytoy, ket nausar daytoy iti Archipelagic Coastal Defense Continuum (ACDC) idi Mayo, 2024.
Kabayatanna, ti nadakamat a drone system ket maibilang a kas Class 3 unmanned aerial system a makabael a mangitulod kadagiti supplies iti nagduduma a kritikal ken adayo a lugar.
