LAOAG CITY – Nangiparuk-at ti abiso ti U.S Embassy iti Pilipinas mainaig kadagiti scam a message ken email a maipagarop a maipatpatulod kadagiti visa applicants nga agkidkiddaw ti bayad ken agpampammarang nga empleyado ti U.S government.
Gapu iti daytoy, ginutigot ti embahada ti publiko nga agridam gapu ta ti maipagarop nga us-usaren dagiti scammers ke dagiti email address nga agleppas iti ‘@state.gov’ wenno ‘support-philippines@usvisascheduling.com’.
Inlawlawag ti U.S embassy a saan da nga agus-usar ti social media wenno dadduma a messaging apps, ken ad-adda manen a saan da nga agdawdawat ti bayad wenno kwarta kadagiti U.S visa applicants na.
