LAOAG CITY – Inbasura ti US federal judge ti criminal case kontra kada New York Attorney General Letitia James ken James Comey, ti dati a nangidaulo ti Federal Bureau of Investigation (FBI).
Inbatad ni District Judge Cameron McGowan Currie a ti prosecutor nga akin-iggem iti dua a kaso a ni Lindsey Halligan ket iligal a nadutukan.
Inpetteng ti judge nga awan ti legal nga otoridad ni Halligan ken awan pay ti prosecutorial experience na gapo ta ti background na ket insurance law.
Nupay kasta, nakailanad iti desisyon a mabalin pay a maipila ti nasao a kaso.
Suangsango ni Comey iti kaso kalpasan a nangipaay ti impormasyon kadagiti reporters idi 2017 babaen iti abogado na ngem idi sinaludsod ti kongreso ket naglikudan na isut gapo na nga idi Setyembre ket napilaan ti obstructing Congress idi 2020 ken nag-plead not guilty daytoy.
Ni met James ket nakasoan idi Oktubre ti one count of making false statement iti financial institution ken one count of bank fraud.
Mamati ti abogado dagiti dua a nakasoan dagitoy gapo iti panagbalin da a kritiko ni US President Donald Trump.
