LAOAG CITY – Dumalan iti sabali manen nga operasion ni American Golf Star Tiger Woods.
Inbatadna a kadagiti sumarsaruno nga aldaw ket dumalan isuna iti microdecompression surgery tapno tamingen dagiti nerve tissue iti lower back-na.
Kunana a sipod pay iti napalabas a bulan ket ang-angalennan daytoy a sakit kadagiti nakipasetanna a torneo.
Mangnamnama daytoy nga apaman a malpas ti operasion ket makasublin iti normal a panagbiag nangruna iti panagay-ayamna ti golf.
Maipalagip a saan nga intuloy ni Woods ti torneo iti Genesis Invitational idi Pebrero gapu iti nasakit a marikriknana.
Naammoan a daytoyen ti maikanem a dumalan ni Woods iti operasion iti uneg ti sumagmamano a tawen.
Maipalagip nga idi 2021 ket dimmalan daytoy iti microdiscectomy tapno maikkat ti bone fragment nga isu ti mangitunda ti panagsakit ti nerve-na.
