LAOAG CITY – Inpakaammo ni Bombo International News Correspondent (BINC) Isidro Madamba, Jr. manipud idiay California, United States of America a posible a ma-subject for forfeiture dagiti sanikua ken clinics ti Filipina Nurse a ni Marizel Yukee iti maipagarup a fraud scheme-na.
Inbatadna a daytoy ket pakairamanan ti 4 a Yukee clinics wenno wound clinics na, Ferrari supercar nga agbalor ti sumurok a US$500,000, dagiti alahas kas ti Bulgari necklace nga agbalor ti US$865,000, maysa a pagtaengan idiay Hawaii nga agdagup ti US$1 million, ken maysa beach resort project iti Santa Ana, Cagayan iti pagilian nga agbalor ti agarup US$4.6 million.
Inlawlawagna a ti fraud scheme ket manipud kadagiti insurance a kompania kas iti Medicare ken Tricare.
Ti Medicare ket dagiti pasiente nga agtawen 65 agpangato no sadinno nga addaan daytoy ti agarup 60B a pasiente kabayatan a ti Tricare ket dagiti adda iti military no sadinno nga addaan met agarup 10M a benepisiario.
Kunana a ti kangrunaan a target na ket dagiti addaan iti nakaro a sakit na wenno dagiti babbaket wenno lallakay no sadinno a maik-ikkan dagitoy ti saan a nasken a panagagas a singirenna dagiti government health prgrams.
Innayonna pay a posible nga adda ti kakaduana a Pilipino kadaytoy ken ti posible a dagitoy met laeng ti nangi-report kenkuana.
Iti agdama, adda dagiti kaso a nakapila pakairamanan ti conspiracy to commit healthcare fraud ken wire fraud, healthcare fraud, conspiracy to pay and receive illegal kickbacks, ken money laundering no sadinno nga awan pay ti update iti nasao a kaso.
