LAOAG CITY – Saan pay a sigurado ni American gymnast Simone Biles no makipaset pay daytoy iti 2028 Los Angeles Olympics.
Inbatadna nga awan ti makaibaga a makapartisipar gapu iti tawenna.
Inlawlawag ti agtawen iti 27 nga Olympic medalist a posible nga apaman a madanon ti torneo ket saanen a kabaelan pay ti bagina.
Inpettengna a naruayen dagiti accomplishment-na ken dagiti medalya a nagun-odna isu a nasaysayaat nga ipabus-oyna lattan kadagiti naub-ubing nga atleta.
