LAOAG CITY -Ad-adda pay a kimmaro ti mapaspasamak a kinadamsak iti ciudad ti Port-au-Prince a kabisera ti Haiti.
Ita laeng a lawas ket napuuran ti helicopter ti United Nations babaen kadagiti dua a gangs a ti kangrunaan a puntirya da ket dagiti behikulo ti embahada ti Estados Unidos idiay Haiti.
Basar iti report, dua nga armored vehicles a kukua ti US Embassy iti Haiti ti pinuuran dagiti criminal groups a “400 Mawozo” ken “Chen Mechan.”
Gapu iti mapaspasamak a kinadamsak ket inbilin ti Estados Unidos ti pannakaibakwit iti kabiitan a panawen dagiti 20 a diplomatic staff da manipod iti kabisera ti Haiti.
