LAOAG CITY – Naiget a birbiruken ti United States ken Iranian forces ti mapukpukaw a crew member kalpasan a nagsuek ti 2 a warplanes iti nagduduma a paset ti rehion.
Ti mapukpukaw nga airman ket maysa a weapon systems officer a nakalugan iti US F-15 fighter jet a nagsuek iti abagatan a paset ti Iran.
Saan pay a masinunuo dagiti otoridad ti sibubukel a napasamak iti mapukpukaw a crew member idinto a ti nakalugan a piloto ket naisalakan.
Nangiwayat ti search and rescue operation ti Iranian security forces iti rehion tapno mabirukan ti airman.
Ginutigot dagiti opisial ti pagilian dagiti residente a tumulong iti panangbiruk ti nasao nga airman.
Mainaig iti daytoy, inadmitir ti Iran nga isuda ti adda iti likudan ti panagsuek ti maikadua nga United States warplane iti paset ti Persian Gulf.
Inrakurak ti United States media a ti A-10 combat plane ket nagsuek kabayatan ti search-and-rescue mission para iti immuna a panagsuek ti maysa nga aircraft.
Kabayatanna, agtultuloy ti maiwaywayat nga airstrikes iti intero a rehion pakairamanan ti Tehran ken Syria.
