LAOAG CITY – Immanugot ti Estados Unidos ken Venezuela ti balbaliw a pannakaestablisar ti diplomatic ken consular relations ti dua a pagilian.
Napasamak daytoy kabayatan ti panagsarita da Venezuelan Interim President Delcy Rodriguez ken US Interior Secretary Doug Burgum.
Nupay sumaysayaat ti diplomatic relations sipud inarestar ti US military ni Venezuelan President Nicolás Maduro idi Enero ita a tawen, ti pannakaiwaragawag ti pormal a bilateral ties ti marka iti dakkel a symbolic nga addang.
iti statement, agtinnulong ti dua a pagilian a mangitandudo ti kinatalged, mangsuporta ti panagrekobre ti ekonomia ken panagtitinnulong para iti political reconciliation.
Maipalagip nga inmandar ni President Donald Trump kadagiti tropa ti Amerika a mapan da arestaren ni Maduro ken ti asawa na tapno maidatag iti Manhattan court tapno sangwen ti alegasyon a weapon ken drug offences, banag a naiget a naglikudan dagiti agasawa.
