LAOAG CITY – Naglikudan ti United States Central Command ti report a tinamaan ti Iran ti maysa nga United States Navy vessel kagiddan ti rakurak ti sumagmamano nga Iranian news agencies a maipagarup nga adda ti inatake a barko nga adda iti maysa a pantalan iti abagatan a daya ti Strait of Hormuz.
Basar iti Iran, ti nasao a barko ket maipagarup a naglabsing iti maritime security ken napilitan a simmanud.
Nupay kasta, inpetteng ti United States Central Command, awan ti aniaman a Navy ship ti natamaan iti insidente.
Kagiddan iti daytoy, inrakurak ti United States military ti baro nga inisyatiba nga inyendorso ni United States President Donald Trump a posible a nagusar ti naval ken air assets tapno bayabayan dagiti commercial vessels iti Strait of Hormuz a naruay a barko ti mairamraman gapu iti tension.
Basar iti report, sumagmamano a barko ti laplappedan ti Iran no awan ti pammalubos dagitoy.
