LAOAG CITY – Nagturong idiay Ukraine dagiti Senior officials ti Pentagon tapno pagsasaritaan dagiti addang para iti kalikagom nga agpatinggan ti gubat iti nagbaetan da iti Russia.
Ti team, nga indaulwan ni US Army Secretary Dan Driscoll, ket makitaripnong ken ni Ukrainian Prime Minister Yulia Svyrydenko ita nga aldaw.
Manamnama pay a makasango da kadagiti sumarsaruno nga oras ni Ukrainian President Volodymyr Zelensky.
Immuna iti daytoy, adda ti rimuar a report nga adda ti isagsagana ti Estados Unidos ken Russia a baro a framework tapno agngudon ti gubat, a kasapulan ti major concessions manipod iti Ukraine, pakairamanan ditoy ti panangisuko da ti teritoryo da ken kissayan da ti bilang dagiti soldado da.
Ti nasao a report ket naiparuk-at babaen ti envoy ni US President Trump a ni Steve Witkoff ken ni Russian special envoy Kirill Dmitriev.
